Vorstellung Neuleiter 2019
Marion Schibli «Majio»
Ich bin ned ganz sit Afang ah debi sondern erst sit em erste Sola, wo ich han döfe gah, im 2012. det heds mer so guet gfalle das ich nachher i de Jubla blibe bin, obwohl ich no kei Fründinne gha han, will ich in Müsle wohne. D Jubla hed mich aber mega guet ufgnoh und für mich en zweiti Familie bildet. de Summer isch en Traum vo mer in Erfüllig gange und zwar Leiterin zwerde. Ned nur das, ich bin nachher sogar no Schalei wurde. Jetzt han ich zämme mit de Täbe und de Jabu die jüngste Meitli. Die luute fräche Caprianias. Ich freu mich zgseh wie sie i de nechste Jahr wachset, Witerbildet, ihri eigene Lebensfreu(n)de findet. Ich freu mich au druf,denn mal mit ihne und allne andere im Sola mini Lieblingsgames zspiele: Pirateblinzle und Gländspiel.
Yannick Rey «Rey»
Sali I ben de Yannick i bin id Jubla iträtte im Jahr 2011 und bin au denn i mim erste Sola gsi. Han jz aber 2 Jahr Pause gmacht wäge de Lehr und bin jz weder zrogg i de Jubla was mich mega freut. I de Freizit duen ich mich gern handwerklich Betätige, bin vell ufem Mountainbike oder uf de Ski. Allgemein bini gern i de Berge. Mis liebligs Game i de Jubla isch es Pirateblinzle oder S Bändeli rupfe. I freu mi uf di kommendi Zit im Leitigsteam.
Alicia Saulnier
Hoii zäme ich bin d‘Alicia und bi 15ni. Ich bin scho sit 8 Jahr i de Jubla und finds immer no s‘beste was es git. Es freut mich mega, dass ich Leiterin worde bin. S‘beste i de Jubla isch das mer wie e Familie sind. Mer haltet immer zäme :) Mini lieblings Jublaspiel sind Pirateblinzle und Elche.
Tabea Zehnder «Täbe»
Helu zäme, ich bin Tabea und ghör sit 7be Jahr zu de Lebensfreu(n)de. Ich bin dur d Jabu it Jubla dezugstosse. Det hets mer sit Tag eis mega gfalle und das duets mer hüt no. Sit dem Summer han ich mini eignige Goofe, «die luute fräche Caprianias» ich leite sie gmeinsam met de Majio und de Jabu. Au wenn eusi Mädels ächt luut & biz fräch sind freu ich mich uf kuhli & lässigi Jahr met ihne und hoff, dass sie au so wie ich ihri Lebensfreu(n)de und en zweiti Familie i de Jubla finde werdet.
Tanja Schlenz «Tanne»
Hallo zusammen, mein Name ist Tanja Schlenz und ich bin 15 Jahre alt. Ich gehe mittlerweile seit sieben Jahren in die Jubla und bin jetzt Leiterin geworden. Mein Ämtli in der Jubla ist die Sanität. Ich liebe in der Jubla die Geländespiele, die jedes Sola sind und das Piratenblinzeln.
Jessie Kilian «Jess»
Ich bin Jessie, 15ni und bin sit em Summer neu Leiterin ide Jubla. Ich leite sit dem Summer d Gruppe Chrüeslimüeslis und mis liebste Jublaspiel isch sPirateblinzle, wills eifach mega Spass macht.
Jael Biland «Jab» «Schael»
Hoi zäme:) ich bin d Jael und sitt de zweite Klass i de Jubla. Im Summer han ich mit de Täbe de Majio zäme die neuscht Gruppe übernoh, die luute fräche Caprianias. S leite macht mer mega Spass und ich freu mich uf die wiiteri ziit mit de Jubla.
Yves Kilian «Yvii»
Hallo zäme. Ich ben de Yves ond sit öpe 7 Jahr e de Jubla. Mis Lieblingsgame esch s Bändeli ropfe. E de 4te klass wie au jetzt no. Onterdesse ben ich Leiter fo de neue 2t klässler worde, oder wie mer eus nänned "Birmi players". Ich freu mich scho of die interessante Jahr, wo ich met minere Groppe zäme döff verbrenge.
Nico Sommer «Niggo» «Sommer»
Ich bin de Nico Sommer und bin siit ganz am Aafang ide Jubla. Ich leite zäme mit em yves die jüngste buebe, d birmi players. Wenn ich ned i de Jubla bin gang ich id Kanti oder mach irgendöbbis wo mit Sport ztue hed. Miis lieblings Jublagame isch natürlich s Gländgame ;)
Stefan Busslinger «Stibe»
Hoi zäme, ich bin de Stefan Busslinger und bin i dem Johr 2019 Leiter i de JuBla Bormenstorf worde. Ich bin 16 Johr alt und mit 8 Johr hani i de JuBla agfange und bis hüt usglebt. Min Traum isches emol en guete Lehrer z werde, wo JuBla leiter si natürlich scho echli hilft. Ich wünsche mer eifach no es paar witeri schöni Johr i de JuBla :)